MALALIM na ang gabi. Madilim na sa labas at tanging ilaw na lamang sa poste ang nagbibigay liwanag sa tapat ng dorm namin. Mayamaya’y dadaan ang mga pulis na nag-iikot sa labas gamit ang kanya-kanya nilang mga flashlight na tumatama ang liwanag sa mga bintana namin.
Tiningnan ko ang kabuuan ng aking at doon ay madarama ang lamig na nanggagaling sa aircon. Ngunit mayroon sa loob ko na sinasabing hindi normal ang lamig na nararamdaman. Mahina lang ang aircon pero parang doble ang lamig na nararamdaman ko. Marahil ay lamig ‘yon ng katotohanang wala na talaga ang mga kaibigan ko. Nawala ang dating maaliwalas na pakiramdam noong nabubuhay pa sila. Nawala ‘yong dating init na parang wine-welcome ka ng pamilya mo galing sa nakakapagod na paaralan. Nang dahil sa kanya, nawala ang mga kaibigang i
