Wasak na wasak ang kalooban ni Lara nang pagkakataong iyon. Napasandal siya sa pinto pagkatapos makalabas ang dalawa. Kailangan niyang sumandal para makakuha ng lakas dahil nanghina siya sa matinding emosyong inilabas. Tila nawala pa nga ang epekto ng nainom niyang alak nang makita ang dalawa. Para talagang dinukot ang kaniyang puso at napakatindi ng sakit na kaniyang naramdam. Iniisip niyang nagkunwari lang si Jason sa kaniyang pagpunta para lang maisama nito si Agnes anupa't maipamukha niya sa kaniya na madali lang humanap ng ipapalit sa kaniya. At na talagang mali ang desisyon niyang tuluyang putulin ang ugnayan nila. Pero gusto niya lang makisiguro sa damdamin niya. Kaya lang, kung kailan kumbinsido na siya sa kaniyang naramdaman saka naman lumalayo si Jason at nagkainteres pa sa morta
