Nagsikislapan ang mga camera na bumungad kay Jason pagkalabas niya sa pinto ng kaniyang condo. Gulat man sa nagaganap pero hindi agad siya nakakilos na para bang ipinako sa sahig ang kaniyang mga paa. Nagkakaingay ang mga paparazzi habang kinukunan siya ng larawan. Ang tanging naintindihan niya lang sa mga sinasabi ng mga ito ay ang pangalang Lara. Nang waring hindi na niya matiis ang silaw ng mga kislap ay nanauli siya sa katinuan at dali-daling bumalik sa loob ng condo at pinagsarhan ang mga ito. Naguguluhan siya sa nangyayari. Ano na naman ba ang issue at nagsisilipana na naman ang mga tsimo't tsimosang 'to? Tinawagan niya ang security at pinagsabihan kung bakit hindi nila napansin ang mga ito na umakyat. Katuwiran ng head security na wala naman daw'ng paparazzi na pumasok. Siguradong n
