Pamilya
Sinikap kong ikalma ang sarili ko dito sa kusina kahit na gustong gusto nang bumigay ng tuhod ko sa mga narinig ko mula sa magulang niya. Alam ko namang mangyayari ang bagay na ito, akala ko handa na ako pero nagkamali ako. Nakakapanghina pala talaga.
Wala sa sarili kong binuklat iyong recipe book at naghanap ng pwedeng ibake. Naririnig ko naman ang mga boses nila sa labas.
"Harel! Baby!" Ang boses ng Mommy niya ang nagpatigil sa akin dito.
"Manang, si Chanelle?" boses iyon ni Harel.
"Aren't you excited to see us, son?" malamig na sabi ng papa niya na nagpapatindig ng balahibo ko. Gusto kong takpan nalang itong tenga ko para wala nang marinig pa kaso hindi ko magawa.
"Of course I am, pa. Pero... may gusto lang akong ipakilala sa inyo." Nakagat ko ang labi ko dahil sa sinabi
