Paanong?
Dumating rin ang araw na mag-iisang taon na si Toshi. Sobrang saya ko. Iyong mga gabing pagpupuyat ko at ang katawan kong pagod na pagod sa kakaalaga sa kanya ay nabura lahat sa utak ko habang pinagmamasdan siya ngayong may suot na party hat habang buhat buhat ni papa.
"Happy Birthday Toshi. Happy birthday Toshi! Happy birthday! Happy birthday! Happy birthday Toshi!" kanta namin nila Mama, Papa, Shy at Jhaz. Kami kami lang eh. Si Yaya rin pala na puro pagtahol lang naman ang ginagawa. At kontento na ako sa bagay na ito. Kontento na ako sa ganito. Wala na akong hihingin pang iba. Ang makita ang baby ko na malusog at lumalaki sa paglipas ng panahon ay sobrang saya. Para akong pinapaliguan ng kasiyahang walang makakapantay.
"Chan buksan mo gift ko kay Toshi! Nag out of
