Nakatali
Mainam kong binantayan ang mga nakalapag nang paninda ni Aly. Siya naman itong aligaga sa paggawa ng buko juice para daw may mainom ang iba pag nauuhaw. Ibebenta niya daw ng 10pesos ang bawat isang baso.
Dumarami narin ang mga campers na nagkalat. Lahat ito ay kanya kanya nang tayo ng mga tent nila. May iba pa na masyadong magarbo ang tent at halatang mayayaman.
Sa bawat pagmamasid ng aking mga mata ay nasulyapan ko ang klase klaseng campers. May iba na pakikay, meron ring parang snob, may mga gwapo at magaganda, mga friendly at higit sa lahat iyong maaarte. Hindi ko nga alam kung bat sumama pa dito kung ganyan lang naman pala ang aastahin nila.
"Tingnan mo si Lhuella, Channy. Pinopormahan na iyong gwapo oh! Wala talagang hiya ang babaeng iyan." Naiiling na inilapag ni Aly
