CHAPTER 49
"Sweetheart?" Biglang bumangon si Chuck nang marinig ang tunog ng nabasag. Nagulat siya nang makitang naroon ako at umiiyak.
Bigla namang umaray ang babae nang bigla na lang malaglag at tumama ang likod sa lapag. Kitang-kita ko kung paano takpan ng babaing iyon ang sarili niyang dibdib. Ngumiti pa sa akin na tila nag-aasar.
"Sweetheart, please, I can explain," pagsusumamo ni Chuck sa paos na tinig. Tila wala man lang siyang pakialam doon sa babaing kaulayaw niya kanina. Ni tapunan iyon ng pansin ay di niya ginawa. Takot na takot siya at nauutal na nagpapaliwanag habang papalapit sa akin. Wala akong maunawaan sa sinasabi niya dahil literal na sumasakit ang dibdib ko. Nahihilo na rin ako.
"Don't you dare come near me," saad ko habang patuloy ang paglandas ng luha sa aking pis
