Chapter 56
Kasabay ng pagtulo ng luha ko ay ang pag-usbong ng galit sa dalawang taong kanina pa naghahalikan. Hindi ko alam kung ano ang totoo sa kanilang dalawa, pero malakas ang kutob kong may kinalaman si Fern kung bakit naghiwalay kami ni Chuck. Tuso si Fern at lahat gagawin makuha lang ang gusto.
"Ligs," nag-aalalang saad ni Eden. "He's not worth it. Akala ko ba nakamove-on ka na kay Fern?"
"Yeah," tugon ko.
"So anong problema?" Inabot sa akin ni Kaye ang tissue. "You want him back?"
"Oh my god!" pakli ni Vivienne. "Ligs, hindi kaya...?"
Tumango ako. "I had a hunch na pinagkaisahan nila kami ni Chuck."
"D*mn!" Nahampas ni Vivienne ang mesa. "Sh*t! Sabi ko na nga ba. Iba talaga ang kutob ko sa Kristel na 'yan." Tumayo siya at akmang pupunta sa bar counter pero pinigilan ni Eden.
