Chapter 64
"Smile, Ligs," utas ni Vivienne habang sakay kami ng pag-aaring van ni Patrick.
Magkakasama kaming lima mula pa kaninang umaga dahil ayon sa kanila ay pinakiusapan sila ni Chuck na pumunta sa bahay. Sila na rin ang maghahatid sa akin sa restaurant kung saan kami magkikita ni Fern.
"Chin up, girl," sabat naman ni Patrick na naroon sa harap ng manibela. "Huwag na huwag mong ipapakita sa walanghiyang 'yon na affected much ka sa paghihiwalay n'yo. Bes, hindi siya kawalan sa buhay mo."
"O, ikaw, Kaye," pasaring naman ni Eden kay Kaye na abala sa pagtipa sa sariling cellphone. "Wala ka bang maipapayo kay Ligs? Kaibigan ni Vincent ang hayop na ex ng BFF natin."
"FYI, Eden, paminsan na lang magkita sina Vincent at Fern. Dumidistansiya na ang asawa ko sa kaniya, 'no." Umirap siya.
