Chapter 65
Hindi ko mapigilan ang aking sarili na umiyak habang nakatingin sa repleksiyon ko sa malaking salamin na naroon sa banyo. Dito ako dinala ng mga paa ko matapos ang halikan na iyon. Sh*t talaga! Ano ba ang nangyari sa akin at nakipaghalikan ako sa lintik na 'yon? Kung hindi pa dumating ang waiter na nag-serve ng pagkain namin ay hindi ako mahihimasmasan sa kag*gahan ko. Sh*t! Hinding-hindi na talaga ako makikipagkita sa kaniya nang mag-isa. I swear!
Tinapos ko na ang paghihilamos at muling naglagay ng make-up. Muli kong sinipat ang aking repleksiyon sa salamin. Medyo maayos-ayos na ang mukha ko kumpara kanina. Hindi na rin maga ang talukap ng aking mga mata dahil natakpan ng eye make-up. Salamat sa mga turo ni Vivienne. Sa kaniya ko natutunan ang tamang paglalagay ng make-up.
