Hindi na ako sumabay kay Dok Ace papunta sa bahay nina Kap Ben. Umuwi muna ako sa amin upang tanungin sina Mama kung dadalo ba sila sa isa na namang papiging ni Kap dahil sa kabaliwan ng anak nito.
Pagdating ko sa bahay ay saglit akong nahinto sa may pintuan dahil natanaw ko sa sala ang mga magulang ko na masayang nakipagkulitan sa pamangkin kong si Kirk.
Wala namang malaking pinagbago sa pamilya ko, maliban sa nagiging tan na iyong mga kulay nila tulad ng kulay ko dahil sa init dito sa isla ay ganoon pa rin naman ang kontentong kislap sa kanilang mga mata.
Medyo nalungkot lang ako para kay Kirk kasi di niya naranasan ang kaginhawaan sa siyudad.
Dito na siya lalaki sa lugar kung saan ay malayo sa kabihasnan at walang mga mall at malaking bubuyog na laging nakangiti na kaibigan ng lah
