Sa halip na hanapin ang mga magulang ko ay dinala ako ni Dok Ace sa clinic niya na ilang kanto lang mula sa bahay nina Kap Ben.
Nang pinaupo niya ako sa tapat ng mesa niya at inabutan ng isang basong tubig ay tsaka ko lang napansing nanginginig iyong mga kamay ko.
Ibinaba ko na lang iyong baso at baka mabitiwan ko pa ito dahil sa di mapigilang panginginig. Mahigpit kong pinagsalikop ang dalawa kong kamay upang kahit papaano ay mabawasan ang panginginig.
"Don't tell me, bigla kang nagkaganyan dahil bigla mong na-realize na gusto mo na pala si Yudz?"
Kahit na di maganda iyong pakiramdam ko ay nagawa ko siyang samaan nang tingin dahil sa kanyang biro.
"Uminom ka muna ng tubig bago mo ako sungitan."
Iyong kaba, takot at samo't saring damdaming naramdaman ko ay unti-unting napalitan ng i
