CHARMAINE
Halos sampung minuto rin kaming nakatengga sa tapat ng bahay nila Caleb sa paghihintay sa pagdarating ni Yve. At nung natanaw na nga namin ang isang kotse na palapit sa amin at unti-unting bumabagal ang pagtakbo nito ay lumapit na rin kami roon hanggang sa bumaba na nga mula sa loob ng kotse si Yve. “Sorry, medyo traffic sa nadaanan kong kalsada. Kanina pa ba kayo naghihintay rito?” bungad niya sa amin at sabay-sabay naman kaming umiling kahit pa medyo nagrereklamo na kami pare-parehas dahil ang tagal niya ngang dumating dito. “Sakay na kayo.” Utos ni Yve sa amin na agad lang din naming sinunod dahil iyon din naman ang gagawin namin kahit pa hindi na niya kami utusan pa. Sa likod na kami pumwesto lahat at katulad kanina ay pinagigitnaan ulit ako nina Caleb at Jayden. Tanging si
