Nagliliwanag dahil sa malalaking ilaw. Nakakahalinang musika mula sa quartet na may kani-kaniyang hawak na musical instruments. Masasarap na pagkain na nakalapag sa mahabang mesa sa may hardin. At higit sa lahat ay ang dami ng mga taong nakasuot ng pormal na damit na nagkalat sa buong lugar.
Paano naging dinner ito?
Hindi maintindihan ni Emma Rose ang napuntahang lugar. It was still the Wright’s luxurious mansion but with a party going on. Hindi ba’t dinner lang ang pinunta niya roon? Paano naging party bigla?
Ganoon siguro ang definition ng nanay ni Matthias na dinner. Bonggang event for all the rich people.
Hindi maikakaila ni Emma Rose na mga mayayaman ang naroon sa party. Base sa mga pananamit at mga kilos ng mga tao roon ay plakadong talaga alta sociedad ang mga ito. Pero wala si
