THADDEUS
Malakas na ingay ng club at mausok na paligid ang bumungad sa akin pagpasok ko pa lamang dito. Tinawagan ako kanina ni Diego at nagpapasundo dahil marami na daw siyang nainom.
Malayo pa lamang tanaw ko na siya sa bar counter at nagpapaka-lunod sa tinutunga niyang alak.
“Diego, let's go home. Tumakas lang ako sa bahay. Kailangan kong makabalik. Baka malaman ni Grandpa na umalis ako.” Pigil ko sa kanya. Kinuha ko ang baso ng alak sa kamay niya ngunit muli niya itong inagaw sa akin.
“H-Huwag na, magpapahatid na lamang ako sa taxi pauwi. Bumalik ka na sa bahay mo…” Lasing na sabi niya at hindi ako tinatapunan ng tingin.
“Tama na please…bakit ka ba nagkakaganito? May problema ka ba?” Na-iingayan na tanong ko sa kanya. Halatang marami na siyang nainom dahil namumula na pati ang
