Napakamot na lang tuloy ng ulo si Mark sa tinig na bumulong sa kanyang tenga.
"Ano na naman kaya iyon? Kung sinu-sino na lang ang aking nakikita at naririnig. Ay naku Mark, ang ibig lang sabihin ay tumayo ka na raw riyan at puntahan mo na ang kaibigan mo na si Tricia."
Pabirong bulong niya sa kanyang sarili habang nagliligpit ng kanyang hinigaan. Hindi pa rin maalis-alis sa kanyang isipan ang naganap na tagpo sa kanyang panaginip. Masayang-masaya siya para sa kanyang kaibigan. Dahil alam naman nito na isa iyon sa kanyang inaasam-asam na mangyari at kung hindi pa nawala ang isang taong importante sa buhay ni Tricia ay hindi pa sila magkakaroon ng pagkakataon na magkita kahit man lang sa isang panaginip.
Nagmamadali na si Mark na magligpit ng kanyang hinigaan para maligo at makamusta na a
