KINABUKASAN ay nagising siLorelei na wala na si Andrei sa kaniyang tabi. Bumangon siya at agad itong hinanap pero hindi niya ito mahanap sa buong silid kaya agad siyang lumabas at bumaba pero wala pa rin ang lalaki.
Dumeretso siya sa kusina para magtanong kay Manang Tina kung nasaan nagpunta si Andrei.
"Uh, maagang nagising at nagmamadaling umalis kanina." ani Manang.
Kunot ang noong napatingin siya sa may wall clock. It's quarter to nine.
"Sinabi ba niya kung saan siya punta?"
"Hindi eh. Wala siyang sinabi." sagot naman nito.
Tumango na lang siya. Pagkuwan ay bumalik siya sa kanilang silid at agad tinawagan ito pero napakunot lang ang noo niya nang marinig ang ringtone ng phone nito sa loob ng banyo.
Agad siyang pumasok doon at naroon nga ang phone nito kaya agad niya iyong kinuha
