AGAD na kumunot ang noo ni Lorelei nang makitang nababakuran na ang isla na pag-aari ni kuya Luke at kung saan din siya at si ate K dinala nito noon para itago sa mga taong nagtatangka ng mga buhay nila.
Kahit malayo pa ang motorboat na inarkila niya para masakyan papunta sa island pero alam niyang ang islang nabakuran ng matataas na bakod na gawa sa metal ay iyong isla na pag-aari ni kuya Luke.
Napakurap siya nang biglang huminto ang motorboat.
“Manong? May problema po ba?” tanong niya sa driver at may-ari ng motorboat.
“Pasensiya na Ma’am, pero hanggang dito na lang po tayo.”
“What?” gulat na bulalas niya sa matanda. Paanong dito na lang sila, eh medyo malayo pa ang pagitan ng isla at kung saan sila nakahinto? “Manong, lumapit ka pa. Hindi naman puwede---”
“Ma’am, bawal na pong lu
