"Nabanggit ng daddy mo na hindi ka magtatagal dito. Gusto mo ba ipasyal kita rito sa Apolina? Maraming best spot dito na pwede kong pagdalhan sa 'yo." Magpapaalam lang dapat ako. Nakapagbalot na si Makisig, kaya uuwi na raw kami. Tapos ito pa ang sinabi ni Diether.
"Oo, hindi nga! Hindi ko kayang magtagal dito."
"Oh, bakit naman?"
"Mahilig kasi akong maglaro. Hindi ko magawa rito."
"Anong klaseng laro?"
"Casino." Pabulong na ani ko. Saka humagikgik. "Hindi alam ni daddy, kaya naman uuwi ako ng siyudad para malaya kong gawin."
"Oh come on! Alam mo ba---"
"Hindi ko alam." Putol ko sa sasabihin pa lang sana nito.
"I mean, may mga casino kami rito sa Apolina. Iyan ang pinakasentro ng mga business namin. Diyan nakasentro ang yaman ng mga Lopez dito sa bayang ito. Pwede kitang isama. Sa
