Tumayo ako at dinampot ang dalawang towel na kinuha ko sa gamit ng dalawang babae. Paahon na kasi ang mga ito. Mas lalong nabalandra ang mga katawan. Kaya agad akong umaksyon. Iniabot ko agad sa kanila ang towel. No'ng una ay wala pa sanang balak si Lupita na tanggapin iyon. Kaya pasimpleng pinanlakihan ko ito ng mata.
Nang tanggapin nito ay agad naman nitong ibinalot sa sarili. Saka mas nauna pang lumampas sa akin. Sumunod si Luchelot na pinalo pa ang pang-upo ni Lupita dahil nakalabas.
"Cayle, napakaganda ng falls. Swerte n'yo sa property na ito." Puri ni Lupita. Umupo pa ito sa tabi ni Cayle.
"Glad you like it." Iniabot n'ya sa asawa ko ang bottled water.
"Thanks! Bihira akong makakita ng ganito. Kailangan pang lumabas ng siyudad para lang maka-witness ng ganito kagandang tanawi
