"Merry Christmas!" masayang bati ng asawa ko sa akin. Niyakap ako nito at bahagyang iniangat. Nang maalala kong nasa hacienda pa rin kami nila Luchelot ay agad kong tinapik ang balikat ni Hunter. Nakalimutan ata kasi nito.
"Sorry, na-excite lang ako. Ito ang unang pasko natin. Merry Christmas, love."
"Merry Christmas din, love ko." Mabilis akong tumingkayad at humalik sa pisngi nito. Saka nilampasan ito at tinungo na ang lawn. Doon nagkakasiyahan ang lahat. Hinihintay lang mag-alas dose. May mga nakahanda ring fireworks na mamaya ay sisindihan pagpatak ng 12.
Sinalubong ako ni Luchelot na agad akong inabutan ng isang beer.
"I'm so excited sa gift mo sa family ko."
"Gift ko rin sa 'yo iyon, Luchelot. Sana ay masaya ka sa regalo ko mamaya."
"Oo naman!" sumali na rin kami sa kasiyahan.
