Nawalan na nang ganang magtrabaho si Lovan nang malamang marami talagang kabit si Zigfred. Kahit ang ginagawang flowchart para sa actual demo ay hindi na niya natapos. Siya ang pinakaunang umuwi, hindi na nagpaalam kay Crissy.
Kapansin-pansin din ang pananahimik niya sa apartment.
"Ma'am, patutulugin ko na ba si Senyor?" tanong ni Ivory nang makalapit sa kanyang kanina pa naghuhugas ng pinggan na pinagkainan nila.
"Oo," tipid niyang sagot. Ni hindi man lang ito tinapunan ng tingin.
"Ang sabi po ni Senyor, hindi na daw niya kailangang uminom ng gamot. Nakakatayo na daw siya nang maayos," pagpapaalam nito.
"Okay," tipid na uling tugon, parang balewala lang ang sinabi nito.
"Sige po, goodnight," anitong tila na-disappoint sa naging turan niya.
"Pakisara ng pinto 'pag lumabas ka,"
