Para akong nakalutang habang naglalakad pabalik sa kuwarto ko. Ang bawat hakbang ay parang mabigat, pero sa parehong oras, parang lumulutang ang aking katawan sa di-maipaliwanag na emosyonal na bagyong tumatama sa akin. Alam kong hindi na ulit ako dadalawin ng antok, hindi sa oras na ito, hindi habang ang mga alaala at sakit ay nagbabalik sa akin nang buo.
Kitang-kita ko sa isip ko ang paghihirap ni Ate Kassandra. Parang hindi siya ang nakangiting babae na sumalubong sa akin kanina pagdating naming ni Joaquinn sa hacienda. Ang buong akala ko ay ayos na siya, pero akala ko lang pala iyon. Isang bangungot lang—isang simpleng panaginip—ay muling bumalik ang pusong ina niya na nangungulila sa anak na nawalay. Lahat ng pagsisikap niyang maging matatag ay bumagsak sa isang iglap. Ang pagkabalis
