Habang nasa office si Kuya Joaquinn, inabala ko na lang ang sarili ko sa pagliligpit ng condo niya. Kahit na cozy, malinis, at kumpleto sa gamit ang unit, halatang walang masyadong oras si Kuya para mag-ayos. May kaunting alikabok sa ibabaw ng shelves, at mga papeles na nakakalat sa center table. Typical bachelor’s space—organized chaos kumbaga.
Sinimulan ko sa kwarto niya. Binunot ko ang mga kumot, inayos ang bedsheet, at sinampay ang tuwalya na naiwan niyang nakatabon sa likod ng pinto. Naka-on pa pala ang air purifier niya buong gabi. Pinatay ko muna iyon para makasave sa kuryente.
Maya’t maya, tumatawag siya sa landline.
“Kamusta ka diyan?” tanong niya sa unang tawag.
“Okay lang, Kuya. Nililigpit ko lang gamit mo.”
“’Wag ka masyadong mapagod. May pagkain naman sa ref, huwag kang g
