BALAK sanang pagsarhan ni Steve ng pinto ang babae ngunit mabilis itong nakapasok sa loob. At hindi lang basta lumapit sa kaniya. Agad pang yumakap nang mahigpit.
"Tell me, I'm not dreaming! Is this really you? My saviour? My knight in shining armor?"
Ngunit mabilis niya itong itinulak. "Ano ba'ng pinagsasabi mo? Wala akong alam diyan. N-Ni hindi nga kita kilala," kaila niya. Akma pa sanang yayakap itong muli pero napigilan na niya ito. Gamit ang dalawang daliri niya na itinungkod niya sa may noo nito. "Huwag mo na ulit gagawin 'yon."
Nagbanta namang iiyak ang babae. Nalukot pa ngang pababa ang magkabilang gilid ng nakangiti nitong mga labi kanina. "Bakit ka ba ganiyan, ha? No'ng una, iniwasan at tinakbuhan mo ako. Tapos ngayon, ipagkakaila mo naman. After helping me last night, akala m
