LAHAT SILA ay nagulat nang pumasok ang isang babae kakaiba ang itsura sa madals nilang makita sa Restaubar. Ang babaeng kaharap nila ngayon ay seryoso at umaapaw ang pagiging professional sa buong katawan nito.
“Whoa! Anong ginagawa mo rito?” gulat na tanong ni Issaiah.
“I am the one who will be your host for today,” pormal na saad nito.
“Nagtatrabaho ka rito?” tanong din ni Drake sa dalaga.
Tumango lang ito at inihanda ang sarili para sa gaganaping interview.
Matamang tinitigan ni Noriel ang bawat galaw ng babae, hindi niya akalain na ito ang trabaho ng isa sa mga kaibigan ni Louisa Jane.
“Isa kang DJ?” tanong ulit ni Issaiah at nilapitan ang dalaga na tanging tango lang ang naging sagot.
“Alam ba ni Loulou na ito ang trabaho mo?” pangungulit ni Issaiah. Parang wala itong balak na
