HUMINGA AKO NANG malalim at pumasok sa pinaka-opisina ni Jam. Nakita ko siya na busy sa papeles niya ngunit napahinto ako nang makita ko si Agatha na may pinapakita kay Jam na papeles. Pero papeles nga lang ba? Bakit halos yumuko na siya para mas lalong lumuwa ang dibdib niya na tila inaakit pa si Jam.
Hawak-hawak ko ang tray na may laman na coffee at cake pero halos matapon ang kape dahil sa panginginig ng kamay ko sa sobrang inis.
“Ahem!” tikim ko kaya napabaling si Agatha ng tingin habang si Jam ay hindi man lang tumingin sa akin.
Mag-iisang linggo na ang nakalipas nang mangyari ang mali kong pagbibintang sa kanya na may nabuntis siyang iba. At isang linggo na rin niya akong hindi kinikibo.
“Jam, may dala akong meryenda para sa ’yo,” nakangiti kong sabi at hindi ako tumitingin kay
