"SINUSUBUKAN n'yo bang pahiyain ang eskwelahang ito?!"
Nanginginig na napaigtad at napahawak ako sa braso ni Joachim dahil sa mariing pag-tanong sa amin ni Messiah. Hindi ko alam na ganito siya kung magalit. Punong-puno ng awtoridad na hindi ka na makaka-isip pa ng tama.
Matapos niya kaming makita sa labas ng paradahan, nauna siyang naglakad at pinasunod kami sa kaniyang opisina. Ito ang unang beses na nakapasok ako dito ngunit hindi ko magawang obserbahan dahil sa nerbyos.
"W-wala kaming ginagawang masama..." naglakas ako ng loob na sumabat sa kanilang dalawa.
"Maupo ka lang dito sa tabi ko, Ligaya," bulong naman ni Joachim at hinawakan ang palapulsuhan ko.
"Get your hands off of her, Buenavidez! I also do not allow PDA in my office!" napangiwi ako.
Gusto kong singhalan itong si M
