KIPKIP ni Mara ang folder na naglalaman ng kanyang resumé habang nakatingala sa mataas na building na nasa kanyang harapan. Ito ang unang pagkakataon na mag-a-apply siya ng trabaho kaya kinakabahan siya ng husto.
Sumama siya kay Doktara Eliza sa Maynila. Gusto niyang makipagsapalaran at harapin ang totoong mundo. Hindi pwede na habang buhay na lang siya aasa sa kanyang ama na empleyado ng lokal na pa pamahalaan. Tumatanda na ito at darating ang panahon na hindi na nito kayang buhayin sila ng kanyang ina. Isa pa determinado rin siyang suklian ang paghihirap nito sa pagpapaaral sa kanya.
Ayaw sana siyang payagan ng kanyang magulang. Natatakot ang mga ito na may mangyaring masama sa pakikipagsapalaran niya pero buo na ang kanyang loob na sundan ang kanyang pangarap kaya hindi siya nagpapigi
