NAPAPAILING si Denver habang pinipindot ang end call sa video chat nila ni Alexandra. Maliban sa mga reklamo nito tungkol sa leading man nito ay tinatanong na rin sa kanya kung kailan siya uuwi. Wala siyang maisagot dito sapagkat nagbago nga ang orihinal niyang plano at sa halip ay marami siyang ni-rason kay Robin upang makapanatili nang mas matagal pa doon, gaya nang rason niya na hihintayin muna niyang matapos ang harang sa boundary area ng beach na pagtatayuan nila ng hotel.
Batid niyang hindi kinagat ni Robin ang rason niya dahil hindi naman iyon importante para pag-aksayahan niya ng panahon ngunit hindi na ito umangal pa. Inaasahan na niya na isa sa mga araw na ito ay magpaalam na itong mauna nang umuwi sa Maynila.
Hindi man niya maamin sa kanyang sarili pero si Mara ang rason kung
