Nakamasid lang siya sa dalaga mula sa malayo. Ngayon araw ng graduation ni Elaiza at nakangiti katabi ang mga kaklase nito. At least, kahit man lang sa mga okasiyon na ganito ay nandiyan siya para sa dalaga. Masaya siya para dito dahil nalampasan nito ang High School. Sabi nila, ang high school ang pinakamasayang araw at mga taon, kaya lang hindi niya iyon naranasan dahil homeschooler siya pero, ayos lang. Nakatapos naman siya at iyon ang importante sa ngayon. Nang tingnan niya ay pumapaso na ang dalaga, nakangiti at kumakaway ito sa lahat. Nang hinanap ng mata niya ang nanay nito ay nakangiti at umiiyak din ito kasama ang mga magulang ni Edzel. Nagtataka lang siya kung bakit nag-aaral si Edzel sa pampublikong eskwelahan kung may pera naman ang mga magulang nito para tustusan ang pag-aaral
