Chapter 32: Chelle's point of view
Di mawala-wala ang kaba ko habang naglalakad palapit sa table ko. 6:30 palang ng umaga pero naparito na ako agad sa kompanya.
Hindi kasi ako nakatulog ng maayos at tuluy-tuloy dahil sa pag-aalala ko kay Jorem.
Wala pa gaanong tao sa opisina pero ayos lang. Ang mahalaga, makausap ko kaagad si Jorem pag dumating na ito.
Ni tawag kagabi hindi ako nakatanggap mula sa kanya. Kaya naman kinakabahan talaga ako sa maaaring nangyari.
***
Matapos ang isang oras, isa-isa nang dumami ang empleyadong dumating. Narito na din si Gelay na nagtatanong ang mga mata habang nakatingin sa akin. Napakibit-balikat na lamang ako, bilang tugon na hindi ko pa alam ang nangyayari kay Jorem.
Kasalukuyan 'kong inaayos ang mga paper files at ina-arrange ang mga appointment ni J
