BIGLA akong kinabahan nang mabasa ang balitang iyon. Malakas ang kutob ko na iyon ang puno ng lahat ng problemang nangyayari ngayon.
“s**t!”
Kinuha ko ang cellphone at hinanap ang numerong matagal ko nang hindi natatawagan. I dialed his number and waited for him to pick up. Naka-anim na ring pa bago sumagot ang aking tinawagan.
“Hello?” Parang kagigising lang ng boses na sumagot sa kabilang linya.
“Uncle Tom? Si Zeke, ‘to.” Tumayo ako at pumanhik sa kusina. Bigla akong nauhaw sa mga pangyayari. Parang kailangan ko ng pampakalma kung tama ang hinala ko.
“O, napatawag ka, hijo. Kumusta ka na?” tanong niya nang makarating na ‘ko sa tapat ng refrigerator. Naalala ko noong unang araw ni Lai sa bahay na ‘yon, nakatambay siya sa may ref habang naglilista sa isip
