ISANG linggo mula nang magkita kami ni Zeke sa lobby ng hotel ay para na lang akong naghihintay ng katapusan ko. Tuloy-tuloy ang pag-post nila sa social media ng mga litrato namin para mapaniwala ang lahat ng tao kasama na si Zeke na totoo ang kasal.
SA umaga ng kasal ko kay Dimitri ay nagkaroon ako ng hindi inaasahang bisita. Nakahiwalay ang kwarto ko kay Dimitri ngunit nasa iisang Suite lang kami. Lumabas siya noon at ang naiwan lang na tao ay ang dalawang gwardiyang pinagbabantay sa’kin kapag mag-isa lang ako at walang tao sa paligid. Maraming tauhan si Draco at Dimitri. Hindi ko alam kung paghihiganti lang ang pakay nila o may iba pa silang pinupuntirya.
Nakarinig ako ng mahinang pag-uusap sa labas ng kwarto.
“Maglilinis lang po ng kwarto. May nagpapabigay
