HABANG naglalakad siya papalapit sa’kin, suot ang puting traje de boda na gawa sa lace at thule, hawak ang isang bungkos ng matitingkad na asul na mga rosas ay hindi ko napigilan ang mga butil ng luhang kusang pumatak mula sa aking mga mata. Ang lahat ng pagkakataong nakita ko ang tagpong ito sa panaginip at sa bangungot ay naburang lahat at napalitan ng napakasayang pakiramdam. Simula sa araw na ito ay ang napakagandang imahe ng babaeng pinakamamahal ko na lang ang maalala ko tuwing maiisip ko ang altar at puting wedding gown.
Sa isang maliit na chapel sa Singapore kami nagpakasal kasama lamang ang malalapit na kaibigan at kapamilya. Suot ang isang dark blue suit ay sinalubong ko siya nang malapit na siya sa altar. We agreed that we will be standing in front of the altar withou
