MARAHIL dahil sa pagod ay nakatulog kaagad si Lai katabi ang mga pamangkin niya. Sa kwarto namin nakatulog sina Paskie at Trish ngunit binuhat din at sinundo ni Pierre at Nikki nang masigurong tulog na ang mga bata. Inilipat sa silid na tutulugan nilang mag-anak. Sinenyasan ako ni Pierre na sumunod sa labas at tumango naman ako. Ito na ang hinihintay kong pagkakataon. I looked at Lai’s peaceful form. I pulled the covers up to her chin dahil nakatodo ang aircon ng kwarto. Hininaan ko ito at saka ako lumabas. Sa Dining Area ko inabutan si Pierre at Nikki.
“Tulog na si Lai.” Bungad ko sa mag-asawa nang maupo ako sa single couch habang silang dalawa ay magkatabi sa mahabang puting upuan.
“Buti naman at maaga siyang natutulog. How is she doing?” Mahina ang boses na tanong ni Nikki
