“Boss Z, may meeting video conference call kayo ng kliyente sa Vietnam pagkatapos ninyo pirmahan ang mga ito. In thirty minutes time.” Iniabot ni Greg sa akin ang isang itim na leather folder at pinirmahan ko ang tatlong papel sa loob.
Tumango ako kay Greg at iniabot pabalik ang mga papeles na hawak ko. Kinuha niya ang leather folder na naiwan sa ibabaw ng lamesa. Tumalikod ako at bumalik sa ginagawa sa laptop. Nang maramdaman kong hindi pa rin siya umaalis sa tabi ko ay saka ako tumingin muli sa kanya.
“I still have thirty minutes. I’ll go to the conference room once it’s time. Set up the call and I’ll join you later.” Bumuntonghininga siya at tumango. Nang makita kong palakad na siya palabas ng opisina ay yumuko na ‘kong muli at itinoon ang atensiyon sa ginagawa. Huminto
