ISANG oras mahigit matapos ang tawag ni Pierre ay may kumatok sa opisina ko. Nawili ako kakatingin ng mga litrato namin ni Lai na hindi ko na nabalikan si Greg na naghihintay sa taas.
“Boss Z. Ininit ko na ulit ang pagkain. Tara na. Lunch and dinner in one. Sabay na tayo. Wala akong kasama sa bahay. May flight si hubby.”
“Sige. Mabuti na rin para may kasabay ako kumain.”
“Tara na, Boss. Dalhin mo ang phone mo.” Bilin ni Greg nang makitang naiwan ko ang phone na nakalagay sa stand. Bumalik ako sa lamesa at dinampot iyon. Magkasundo kaming umakyat at dumiretso sa Dining area. Napansin kong nakatiklop na ang mga damit kong galing sa washing machine at nakapapats sa isang malinis na basket.
“Inayos mo ang laundry?”
“Kumuha kasi ako ng dishwashing liquid sa may la
