Kabanata 46
"EXCUSE ME!" Padaskol na tumayo si Maricar. "Huwag mo akong pinagbibintangan." "Totoo ba ang ibinibintang sa 'yo ni Hannah?" tanong ni Duwayne sa dating nobya. "Don't tell me, naniniwala ka sa sinasabi ng hilaw mong girlfriend?" balik-tanong ni Maricar kay Duwayne. Ang sama ng tingin nito kay Hannah. Muli itong lumagok ng alak. Hindi agad nakasagot si Duwayne. Pakiramdam ng binata ay naipit siya sa pagitan ng dalawang malalaking bato. "Ang sabi ni lola ay nagpaalam ka na maliligo sa dagat," sabi ni Duwayne kay Hannah. Sinenyasan ng lalaki si Aling Lilia na lumabas muna ng cottage. Agad namang tumalima ang ginang. Kinuwento ni Hannah sa binata ang nangyari sa kanya. Wala siyang nakita na anumang reaksyon sa mukha nito habang pinapakinggan siya. Nakaramdam siya ng panlulumo, mukhang
- Writer
