Pagdating niya sa Servants quarter ay nakatayo lang siya roon. Parang di niya kayang kumatok sa kuwarto ni Nanay Perla. Maging rito ay para siyang nahihiya. Nakatayo lang siya sa pintuan ng kuwarto nito. Akma na sana siyang kakatok ngunit biglang bumukas ang pinto ng kuwarto nito at agad niyang nakita si Nanay Perla. Nagulat pa ito nang makita siya nito sa labas ng pintuan nakatayo.
" Sarah??" Gulat na naitanong pa nito.
"Magandang araw po, Nanay Perla." Malungkot ang mga mata at tinig na bati niya rito.
" Magandang araw din. Anong ginagawa mo dito sa Servants quarter? narinig ko kay Belyn na nandito ka at humingi ng tawad kay Sir Darius, pero bakit nandito ka? may kailangan ka ba sa akin?" Tanong nito sa kanya.
" Sorry po, Nanay Perla. Baka kayo din po ay nagalit din sa akin dahil
