Tiningnan naman siya nito. Nakita niya sa mga mata nito na parang naiinis sa kanya at malayo na talaga ito sa dating Darius na nagmamahal at nag-aalaga sa kanya. Ngayon ay parang malayo na sa katotohanan na muli siyang mahalin nito base sa ekpresyon ng mukha nito. Nanatili itong nakatingin sa kanya at ganoon din siya rito.
"Ano pang hinihintay mo? naghihintay ka paba na paaalisin kita sa harap ko?" Wika nito sa kanya.
" S-sige po, Sir Darius." Paalam niya rito at tumalikod na at mabigat na naman ang mga hakbang niya palayo rito.
My god, ngayon pa niya nalaman na ganoon pala ang ugali ni Darius kapag galit ito sa isang tao, tulad sa kanya ngayon. Pero hindi agad siya susuko. Mas nananaig ang pagkaawa niya rito kung maisipan na niloko ito ng ate niya at nagbunga pa ng anak ang kataksil
