Kabanata 55
HINDI pa rin nagising si Agat nang maiuwi niya ito sa tirahan nito. Tinulungan niya ang matandang alalay para maihiga ito sa silid nito. Mabilisang inilatag ng matandang alalay ang makapal na sapin habang hawak niya pa rin sa likuran ang binatang prinsipe. Isinunod ng matandang alalay na ayusin ang unan kaya inilipat niya na ang binatang prinsipe. Inilagay niya ang kaniyang kamay sa likuran ng ulo nito nang mailagay niya ang ulo nito nang maayos sa unan. Nakamasid lamang sa kanila ang dalawang espiritung bantay na nasa likas na sukat ng katawan nito sa tabi ng higaan. "Ano bang nangyari sa kaniya?" ang naitanong ng matandang alalay. Pinangtabon nito ang maputing kumont sa binatang prinsipe hanggang sa dibdib. Nanatili ang kaniyang tingin sa mukha ng binatang prinsipe nang kausapin niya a
- Writer
