AYAW nang umalis ni Mutya sa tabi ni Jayden. Iyak din ito nang iyak habang nakayakap sa ama. Si Paula Lie, tahimik lang nakamasid sa mga ito. Iniwan na rin sila ni Jordan at babalik pa raw ito sa event.
Makalipas ang isang oras unti-unting nagmulat ng mga mata si Jayden. Agad nakita ang anak sa tabi niya at ang kanyang puso ay bigla na lang sumakit sa nakikitang paghihirap ng loob nito. May mga bakas pa ng luha sa pisngi nito. Luminga pa siya sa paligid tulog na nakasandal sa sofa si Paula. Ang kanyang mag-ina, at matagal na niyang pinapangarap mabuo ang pamilya nila. Ngunit wala na yata talagang chance na mangyari pa.
“A-Anak, maayos na ako kaya dapat hindi ka na umiiyak.” mahinang lang ang boses ni Jayden nang sabihin iyon sa anak na unti-unting pumipikit ang mga mata. Ayaw niyang magi
