SALVI DEL FABIAN
Nakangiting pinagmasdan ni Salvi si Sebastian, ngayon ay nagtatawanan kasama ang pamilya nito. Nandito sila sa farm kung saan pagmamay-ari na ngayon ng Pamilya Galvez. Binigay niya para hindi na mahihirapan si Sebastian sa pagtatrabaho. Gusto niyang ituon na lang ang atensyon nito sa pag-aaral. Alam niyang kapag nalaman ni Sebastian ang tungkol dito, alam niyang magagalit ito sa kanya. Ayaw kasi nitong gumastos siya para sa pamilya nito. Gusto ng nobyo na sa sariling kayod nito makuha ang isang bagay. Kailangan daw pagsikapan ang gusto mo at huwag umasa sa iba dahil hindi mo naman iyon pinaghirapan. Mas masarap matamasa ang tagumpay kapag sariling pawis at dugo mo ang inilaan doon. Higit pa ro’n ay ayaw ni Sebastian na may masabi ang iba na pera ang habol nito sa kanya. M
