"Joaquin Saturno," walang ligoy at puno ng kumpiyansa na sagot ni Ice. At mukhang iisa sila ng pinaghihinalaan ni Hendrix kaya hindi na ito nagulat sa naging opinyon niya.
"Then watch him. Hindi siya puwedeng makalapit kay Vivian. May kutob ako na gagamitin nila ang kapatid ko para boluntaryo akong mag-resign."
Tumango-tango lang si Ice. "Wala ka ba talagang balak na sabihin kay Vivian ang tungkol sa family legacy n'yo, Hendrix?" mayamaya ay tanong dito ni Ice sa tono bilang isang kaibigan. "Natatandaan ko pa na gusto mo nang aminin ang lahat-lahat sa kaniya noon pero pinipigilan ka lang ng Daddy n'yo. But he's gone now, Hendrix. Kayo na lang ni Vivian ang meron ang isa't isa. Maglilihiman pa ba kayo?"
Isang mahabang katahimikan ang namayani nang hindi umimik si Hendrix. Ngunit batid ni
