Naalimpungatan ako nang makarinig nang pagbagsak ng kung anong bagay mula sa labas ng aking silid.
Mabilis akong bumangon mula sa pagkakahiga sa kama saka dahan-dahang humakbang upang silipin sa maliit na butas ng pinto kung sino ang taong nasa labasan.
Nakahinga ako ng maluwang nang makitang si Manang Sidra pala iyon at nagpapagpag ng mga naka-display na dekorasyon sa ibabaw ng cabinet.
Bumalik akong muli sa ibabaw ng aking kama saka roon ninamnam ang pahingang kaytagal kong na-miss.
Matapos kong magmaneho ng higit sa apat na oras ay nakaramdam agad ako ng pagod nang makita ko ang malambot kong kama na ilang taon ko rin ‘di nahigaan.
Hindi pa halos ako nakakapagpalit ng kasuotang damit ay bumagsak na sa malambot na kutson ang aking katawan at tuluyan nang ginupo ng antok.
“Stella.
