Nagising si Sarrah sa sunod-suno na tunog ng doorbell. Alas sais pa lang ng umaga at antok na antok pa siya. Halos madaling-araw na siyang nakatulog dahil namamahay siya simula pa kagabi sa bahay ng Lola Belen niya. Idagdag pa ang pag-aalala niya sa Inay niya at mga gastusin ng mga kapatid niya sa eskwelahan. Kung totoong magbibigay ng paunang bayad si Dylan ngayon para sa magiging trabaho niya ay saka pa lang siguro siya mapapanatag.
Sinilip niya sa peephole kung sino ang nasa labas. Nagulat siya nang makitang si Dylan iyon. Muli niyang sinilip ang peephole para matitigan ang mukha nito. Kahapon pa niya gustong titigan ang gwapo nitong mukha kung hindi lang sana nito mapapansin. Pero hindi rin kasi inaalis ni Dylan ang tingin sa kanya kaya halos palagi siyang nakayuko.
Isa rin ang la
