"Ano pa ang nalaman mo, Gary? Sigurado ka bang magsasalita ang Jammie na 'yan kapag iniharap natin sa korte?"
Ilang araw niya nang ipinapahalughog ang buhay ng mag-inang Belen at Karla para magamit niya sa pagpapabilis ng annulment nila ng asawa. At dahil wala silang gaanong makalap na impormasyon sa Paris, iisa lang ang naisip niyang mapagtatanungan. Si Jammie na bestfriend ni Karla pati sa kalokohan.
"Nasilaw sa ibabayad nyong dalawang milyon, boss. Tinanggap na ang kalahating milyon kanina para sa affidavit niya na hawak ko na. Marami palang utang si Karla sa mga kaibigan nila. Hindi na pala siya ni-renew ng Supreme Modeling Agency kaya wala siyang trabaho sa Paris ng ilang buwan na."
"Are you sure? If she has no job anymore, why would she want to go back? Babalik pa nga siya sa Pari
