Alas sais pa lang ay gising na si Dylan kahit alas tres na yata ng umaga siya nakatulog. Wala siyang ginawa kung hindi ang titigan lang ang mahimbing na natutulog na si Sarrah. Hanggang ngayon ay hindi pa rin siya makapaniwala na buntis ito. Walang mapagsidlan ang tuwa niya na halos hindi siya makatulog. Wala na siyang mahihiling pa sa ngayon kung hindi ang magandang kalusugan at kaligtasan ng mag-ina niya.
Hindi na puwedeng mag-isa si Sarrah sa condo ngayon lalo na kung dadalas ang pagsama ng pakiramdam nito sa mga susunod na araw. Kailangan na nito ng yaya. Ayaw sana niyang dalhin ito sa hacienda dahil hindi niya ito madadalaw araw-araw. Pero kung kaligtasan ng mag-ina niya ang iniisip niya, iyon lang ang pinakamabisang paraan. Kahit sumugod doon si Karla ay hindi siya mangangamba. Hind
