KABANATA 30
Wala sa huwisyo si Sancho habang nasa byahe pabalik sa probinsiya mula sa ampunan. Mariin niyang kagat ang ibabang labi at nakakuyom ang mga kamay. Ayaw niyang saktan si Lui, pero hindi niya rin kayang bitawan si Taira dahil talagang mahal niya ito. Kung pwede lang niyang hatiin ang puso niya at ibigay sa dalawa ay kaagad na niyang ginawa. Kaso hindi, eh. Hindi ganoon gumagana ang pagmamahal. Isa lang dapat, hindi dalawa.
Naalala niyang muli nang mabasa ang liham ni Lui. Nagulat siya sa mga nakapaloob doon. Ang lahat ng nararamdaman nito sa kaniya mula noon hanggang ngayon. Inaamin ni Sancho sa sarili na nakaramdam din siya ng paghanga kay Lui. Walang importante sa buhay niya noon kung hindi si Lui lamang. Pero may mga tao talagang darating sa buhay natin at babaliktarin ang
